ө
*Алматы импорттаушылары: Шекарадағы коллапс инфляцияны үдетіп, үкімет беделіне соққы береді*
Соңғы 2 аптада Алматыға Қытайдан жүк тасымалдау нарығында тағы да коллапс басталды.
*Цифрлар бәрін айтады:*
1. *Қытай, Цзыцзян өлкесі - Қорғас шекарасы:* 7000 км. Тасымал ақысы: *$3500-$3800*
2. *Қорғас - Алматы:* 400 км ғана. Бұрынғы баға: *$1200-$1500*
3. *Бүгінгі баға: $3700-$4000*
400 км үшін 7000 км-ден де қымбат төлеп отырмыз. Баға 2.5-3 есеге өсті.
*Ресми себеп: "KAT рұқсаты жоқ"*
Тасымалдаушылар қазақстандық жүк көліктерінің Қорғасқа "KAT" халықаралық рұқсаты болмағандықтан кіре алмай отырғанын айтады.
*Бұл бірінші рет емес.*
Дәл осындай жасанды тапшылық пен бағаның күрт өсуі 2025 жылдың наурыз-сәуір айларында орын алған еді. Сол кезде мәселе Көлік және Коммуникациялар министрінің отставкасынан кейін ғана шешілген болатын.
*Неге бұл тек кәсіпкерлердің мәселесі емес?*
1. *Инфляцияның үдеуі:* Бүгін тасымал $4000 болса, ертең бұл шығын күнделікті тұтыну тауарларының бағасына қосылады. Киім, тұрмыстық техника, жиһаз, балалар тауары қымбаттайды. Ұлттық Банк инфляцияны тежеуге тырысып жатқанда, біз оны өз қолымызбен үдетіп отырмыз.
2. *Үкімет беделіне нұқсан:* Алда саяси науқан келе жатыр. Халықтың қалтасына тікелей әсер ететін бағаның өсуі - бұл билікке деген сенімнің төмендеуі. 2025 жылғы жағдай қайталанса, жауапкершілік кімде?
Шекарада жүктер тұр, кәсіпкерлер шығынға батып жатыр.
*Біз, Алматыдағы импорттаушы кәсіпкерлер, Үкімет пен Көлік министрлігінен талап етеміз:*
1. *"KAT" рұқсаттарының бөліну мөлшері мен тәртібін ашық жариялаңыз.* Тапшылық шынымен бар ма, әлде жасанды ма?
2. *Бәсекелестікті қорғау агенттігі жүк тасымалдау нарығындағы баға келісімін дереу тексерсін.*
3. *Шекарада жүк тоқтап қалмауы үшін жедел шаралар қабылдансын.*
*"KAT" — бизнесті тоқтатуға емес, дамытуға және халықтың әл-ауқатын қорғауға арналған құжат!*
_Алматы қаласының кәсіпкерлері_
_05.08.2026_
