Қытай билігі оқушыларға түсетін оқу жүктемесін жеңілдету үшін жаңа ережелер енгізуде. Енді мектептерде артық үй тапсырмасы беруге, жиі емтихан өткізуге және балалардың демалыс уақытын шектеуге тыйым салынады.
Сондай-ақ балабақшаларда мектеп бағдарламасын ерте оқытуға болмайды, ал мектептер оқушыларды емтихан арқылы іріктей алмайды. Бұл балалардың психологиялық және физикалық денсаулығын қорғауға бағытталған.
Мамандардың пікірінше, оқу жүктемесінің шамадан тыс болуы күйзеліс пен ұйқысыздыққа әкеледі. Осыған байланысты мектептер оқушыларға күніне кемінде екі сағат дене белсенділігін қамтамасыз етуі тиіс.
t.me/atamekenbusiness_silkway телеграм арнасынан
