Қазақстан Республикасы Қаржы министрлігі салық және кедендік әкімшілендірудің жаңа тәсілдерін әзірледі. Қаржы вице-министрі Ержан Біржановтың айтуынша, өзгерістердің негізгі мақсаты – адал салық төлеушілер үшін мүмкіндігінше қолайлы жағдай жасау.
Негізгі шара – 2026 жылғы 1 қаңтардан бастап шағын және микробизнес үшін «таза парақ» жариялау. Бұл негізгі қарызды 2026 жылғы 1 сәуірге дейін өтеген жағдайда өсімпұлдар мен айыппұлдарды есептен шығаруды, өткен кезеңдерге арналған салықтық тексерулерді алып тастауды және тарату рәсімін жеңілдетуді көздейді.
