Наурыз айының 15-і күні халықаралық "Алаш" силығының лауреаты，Қазастан республикасының еңбек сіңірген қайраткері，жазушы Шәрбану Бейсенованың құрастыруымен "Фолиант " баспасынан "Ұлы дала арулары" сериясы бойынша 2021жылы шыққан "Ұрпағына ұран болған аналар" атты кітаптың тұсаукесері және оқырмандармен кездесуі А.П.Чехов атындағы орталық қалалық кітапханада өтті.
Кездесуді "Қызай ана" қоғамдық қоры ұйымдастырып，мәдениеттанушы Бердалы Оспан модератор болды. Тарих ғылымдарының докторы Н. Мұқаметханұлы，филология ғылымдарының докторы Д. Мәсімханұлы，Қазақ ұлттық қыздар педагогикалық университетінің ғылмыи кітапханасының директоры Б. Т. Бағаашарова，Зария Әмірқызы, Айнұр Әбиденқызы қатарлы кісілер кітаптың тұсауын кесті және өз сөздерінде Қазақ құндылықтары мен мемлекеттік идеология тұрғысынан алып қарағанда кітаптың алар орны ，көтерен салмағы зор екенін атап өтті.
Жазушы Мағира Қожахметова, Балдырған журналының бас редакторы Дүйсен Мағлұмұлы, Дүниежүзі қазақтар қауымдастығы Алматы филиалының басшысы О.Әділбекұлылары да сөзге шығып кітаптан алған әсерлерімен бөлісіп，жазушыға шығармашылық табыс тіледі.
Әдеби кеш иесі Шәрбану Бейсенова апамыз өзінің шығармашылық барысын таныстыра келіп осы бір күрделі тақырыпты игеру барысында есте жоқ ескі заманнан бізге жеткен аңыз-деректерді қалай жинап，сұрыптағанын，жүйеге түсіргенін，тарихи жылнамалармен салыстыра зерттегін ашалап әңгімелеп берді，алдағы жоспарларымен бөлісті.
"Қызай ана" қоры құрылтайшылары жазушының иығына хамзол жауып, қор мүшелері атынан алғыстарын жеткізді .
